Aurrez hasitako sail batzuk amaitzeko asmoz abiarazitako proiektua da; eta lan eta sail horien guztien artean nolabaiteko ordena bat finkatu nahi dut, nahiz eta behin-behinekoa izan. Proiektu horren parte dira kartoiz eta zurez eginiko eskulturak eta objektuak, zentraturiko irudi txiki bertikalen marrazkiak, paper gaineko irudi-ebakiduren tamaina handiagoko marrazkiak eta kalitate txarreko paperean edo bideo euskarrian, batzuetan zuriz eta beste batzuetan beltzez, inprimaturiko irudi horien artxiboak.